POSTER (Bali Language)

Yen jani nolih di sisin rurunge uli rurung desa, dikota disisin uma kanti sisin setra jek liu pesan poster-poster caleg makacakan. Ngebekin rurung, uli ukuran cenik kanti ukuran raksasa. Saling paliuning calege ngae poster anggona ngebekin rurunnge aji gambar dewekne sambilang ngidih doa restu cara anake ane lakar nganten dogen. Yan jalan-jalane suba bek misi poster, jek merase dewekne pasti menang.
I Gede Olog sing nawang apa, prajani mase dadi calon wakil rakyat. Yadiastun ia tunsing ngelah pengalaman dibidang polotik, tusing taen nyumbang teken anak lacur, masuk dogen di kejar paket apa buin titel. Pokokne tusing nawang lud, lud dogen tusing nawang apa buin caleg! Keto abetne.
"Men nyen sing mapilih ken-ken?". Keto abetne I Made Ciing masaut. Yan mapilih sinah lakar rugi gede, pocol gede, pocol pipis, pocol bayu, tuah bisa ngebek-ngebekin TPK dogen, aji luu poster ane lakar ngranayang global warming. Apa buin pipise ane anggon ngae poster ento ulian maan nyilih di Bank, dinyidaange mayah payu pipise telah. Yan tusing nyidaang mayah, payu motore magade, umahe juange, tur payu lakar kalahin kurenan.
Jaman jani liu anake tusing ngelah umah buin tusing ngidang ngamah. napike calege tusing ngelah papineh, yening anake lacur sin perlu tekening poster. jani anake penting ngisinin basang aji nasi. Tusing lakar ngidang ngisinin basang aji poster.
Yen pipise ane anggon ngae poster ento anggon ngemaang bantuan ke anake lacur, anggon ngadasing pakarangan, nguangin global warming, apang ado bukti nyekala ane tinggline ajak kramane, tusing perlu ngae poster liu-liu pasti lakar pilihe didi wakil rakyat. Kuala ingetang, de dimalun pamilune dogen inget teken rakyat, maro masumayaane boya-boya, disubane mapilih tuah ilih-ilih. Sapatutne uling jani nganti saterusne apang ngilonin rakyat, setata magae anggon ngae kasukertan jagat, tusing tuah bisa nuegin rakyat, ento maro pamimpin suti.
I Made rakyat cenik lantas masaut,"beh !" jaman jani sing perlu tekening omong gede ane perluang tuah bukti sane sujati.